2. А тоа место го знаеше и Јуда, кој сакаше да Го предаде, зашто Исус често се собираше со учениците Свои таму.
3. Тогаш Јуда, откако зеде една чета војници и слуги од првосвештениците и фарисеите, дојде таму со фенери, и со светила и со оружје.
4. А Исус, знаејќи сѐ што ќе стане со Него, излезе и им рече: „Кого барате?“
5. Му одговорија: „Исус од Назарет!“ Исус им рече: „Јас сум.“ Со нив стоеше и Јуда, кој Го предаде.
6. А кога им рече: „Јас сум“ – тие се повлекоа назад и паднаа на земјата.
7. Тогаш пак ги праша: „Кого барате?“ А тие рекоа: „Исус од Назарет!“