1. Павле и Тимотеј, слуги на Исус Христос, до сите светии во Христос Исус, што се во Филипи, со епископите и ѓаконите:
2. благодат и мир вам од Бога, Отецот наш и од Господ Исус Христос!
3. Му благодарам на мојот Бог секогаш, кога си спомнувам за вас,
4. – во секоја моја молитва се молам со радост за сите вас –
5. заради вашето учество во Евангелието од првиот ден, па сѐ досега,
6. уверен во тоа дека Оној, Кој го започна во вас доброто дело, ќе го доврши сѐ до Денот на Исус Христос.