13. Кога ќе дојдеш, донеси ја наметката што ја оставив во Троада, кај Карп и книгите, а особено пергаментите.
14. Ковачот Александар ми направи големо зло. Ќе му врати Господ според делата негови!
15. Од него пази се и ти, бидејќи тој необично многу се воспротиви на нашите зборови!
16. При мојата прва одбрана никого немаше кај мене: сите ме оставија. Нека не им се прими за грев!
17. Но Господ беше со мене и ме закрепна, та преку мене да се утврди Благовестието и да чујат сите незнабошци; и јас се избавив од устата на лавот.
18. Господ ќе ме избави од секакво лошо дело и ќе ме запази за Своето небесно царство. Нему слава во вечни векови. Амин!
19. Поздрави ги Прискила и Акила, и Онисифоровиот дом.
20. Ераст остана во Коринт. А Трофим го оставив болен во Милит.
21. Побрзај да дојдеш пред зимата! Те поздравуваат Евул, Пуд, Лин, Клавдија и сите браќа.
22. Господ Исус Христос нека е со твојот дух! Благодат на сите вас! Амин!