13. Ти, со Својата сила, го расече морето, ги смачка главите на морските чудовишта, во водите.
14. Ти му ги скрши главите на Левијатана! Го даде за храна на народите пустински.
15. Ти овозможи да потечат извор и буица, Ти ги пресуши непресушливите реки.
16. Денот е Твој и ноќта е Твоја, Ти ги зацврсти месечината и сонцето;
17. Ти ги создаде сите граници на земјата, Ти ги создаде летото и зимата.
18. Спомни си за ова: Господи, непријателите Ти се потсмеваа, и безумен народ го похули Твоето име.
19. Не предавај му го на јастребот животот на грлицата Твоја, и не заборавај го никогаш животот на Твоите сиромаси!