11. Ефремовата слава одлета како птица: од раѓањето, од утробата, од зачнувањето.
12. Но иако ги одгледаат своите синови, ќе ги одземам пред добата на мажеството, да, тешко им ним кога ќе ги оставам!
13. Ефрем е како да го гледам Тир посаден во нива, но Ефрем ќе ги води своите деца на колење.
14. Дај им, о Господи! А што да им дадеш? Дај им утроба што не раѓа, исушени гради.
15. Во Галгал е сета нивна злоба, таму ги замразив. Заради нивните лоши дела, ќе ги истерам сите од Својата куќа, не ќе ги љубам веќе, сите кнезови им се одметници.
16. Ефрем е поразен, им се исуши коренот; не ќе има род. И ако им се родат деца, ќе им го умртвам милиот плод на утробата.