27. И потоа излезе и го забележа цариникот по име Левиј, како седи во царинарницата, и му рече: „Врви по Мене!”
28. Тој остави сè, стана и тргна по Него.
29. И Левиј му приреди голема гозба во својот дом; имаше и многу цариници и други прилегнати покрај трпезата.
30. А фарисеите и нивните книжници им негодуваа на Неговите ученици, велејќи:” Зошто јадете и пиете со цариниците и грешниците?”
31. Исус одговори и им рече: „Здравите немаат потреба од лекар, туку болните.
32. Не дојдов да ги повикам праведните, туку грешниците на покајание.”
33. А тие Му рекоа тогаш: „Јовановите ученици постат често и се молат, така и фарисејските, а Твоите јадат и пијат?”
34. Исус пак им рече: „Можете ли да ги натерате сватовите да постат додека е младоженецот со нив?