8. Mamindra fo sy miantra Jehovah, Mahari-po sady be famindram-po.
9. Tsy mandaha-teny mandrakariva Izy, Na mitahiry fahatezerana mandrakizay.
10. Tsy mba manao amintsika araka ny fahotantsika Izy, Na mamaly antsika araka ny helotsika.
11. Fa tahaka ny hahavon'ny lanitra ambonin'ny tany No haben'ny famindram-pony amin'izay matahotra Azy.
12. Tahaka ny halavitry ny atsinanana amin'ny andrefana No halavitry ny anesorany ny fahotantsika amintsika.
13. Tahaka ny fiantràn'ny ray ny zanany No fiantran'i Jehovah izay matahotra Azy;