15. auferetur ab impiis lux sua,et brachium excelsum confringetur.
16. Numquid ingressus es profunda maris,et in novissimis abyssi deambulasti ?
17. Numquid apertæ sunt tibi portæ mortis,et ostia tenebrosa vidisti ?
18. Numquid considerasti latitudinem terræ ?indica mihi, si nosti, omnia :
19. in qua via lux habitet,et tenebrarum quis locus sit :
20. ut ducas unumquodque ad terminos suos,et intelligas semitas domus ejus.
21. Sciebas tunc quod nasciturus esses,et numerum dierum tuorum noveras ?