18. នៅស្រុកអ៊ីស្រាអែល ខ្ញុំ និងកូនដែលព្រះអម្ចាស់ប្រទានឲ្យខ្ញុំ រួមគ្នាធ្វើជាទីសម្គាល់ និងជាប្រផ្នូល មកពីព្រះអម្ចាស់នៃពិភពទាំងមូល ដែលគង់នៅលើភ្នំស៊ីយ៉ូន។
19. ប្រសិនបើមានគេប្រាប់អ្នករាល់គ្នាថា «ចូរទៅរកគ្រូខាប គ្រូទាយ និងគ្រូស្ដោះផ្លុំ ដ្បិតប្រជាជននីមួយៗត្រូវតែរកព្រះរបស់ខ្លួន ហើយបញ្ជាន់អារក្ស ដើម្បីជួយអ្នកនៅរស់»។
20. ចូរពិនិត្យមើលពាក្យទូន្មាន និងសក្ខីភាពចុះ! ប្រសិនបើគេនិយាយមិនស្របតាមព្រះបន្ទូលនេះទេ នោះនឹងគ្មានថ្ងៃរះលើពួកគេសោះឡើយ។
21. គេនឹងដើរកាត់ស្រុកទាំងកើតទុក្ខ ទាំងឃ្លានពេលគេឃ្លាន គេក្ដៅក្រហាយហើយប្រទេចផ្ដាសាស្ដេច និងព្រះរបស់ខ្លួនគេងើយមើលទៅលើ
22. បន្ទាប់មក ពេលឈ្ងោកចុះមកដីឃើញមានសុទ្ធតែទុក្ខលំបាក និងភាពងងឹតហើយត្រូវខ្មាំងកៀរទៅរកភាពអន្ធការ។