10. ប្រជាជនដែលស្វែងរកយើងនឹងទទួលវាលទំនាបសារ៉ូនជាវាលស្មៅសម្រាប់ហ្វូងចៀមហើយជ្រលងភ្នំអាកោរជាជម្រកសម្រាប់ហ្វូងគោ។
11. រីឯអ្នករាល់គ្នាដែលបោះបង់ចោលព្រះអម្ចាស់អ្នករាល់គ្នាដែលបំភ្លេចភ្នំដ៏វិសុទ្ធរបស់យើងហើយបែរជាទៅរៀបចំម្ហូបសែនព្រះកាដនិងច្រួចស្រាសែនព្រះមេនី
12. យើងនឹងឲ្យអ្នករាល់គ្នាស្លាប់ដោយមុខដាវអ្នករាល់គ្នានឹងលុតជង្គង់ចុះឲ្យគេអារ-កដ្បិតយើងបានហៅ តែអ្នករាល់គ្នាមិនឆ្លើយទេយើងបាននិយាយ តែអ្នករាល់គ្នាមិនស្ដាប់ទេផ្ទុយទៅវិញ អ្នករាល់គ្នាបានប្រព្រឹត្តអំពើដែលយើងយល់ថាអាក្រក់គឺអំពើដែលយើងមិនពេញចិត្ត។
13. ហេតុនេះហើយបានជាព្រះជាអម្ចាស់មានព្រះបន្ទូលថា៖«អ្នកបម្រើរបស់យើងនឹងមានអាហារបរិភោគតែអ្នករាល់គ្នានឹងឃ្លានអ្នកបម្រើរបស់យើងនឹងមានទឹកផឹកតែអ្នករាល់គ្នានឹងស្រេកអ្នកបម្រើរបស់យើងនឹងមានអំណរសប្បាយតែអ្នករាល់គ្នានឹងត្រូវអាម៉ាស់។
14. អ្នកបម្រើរបស់យើងនឹងស្រែកហ៊ោព្រោះគេសប្បាយចិត្តតែអ្នករាល់គ្នាបែរជាស្រែកយំព្រោះឈឺចុកចាប់នៅក្នុងចិត្តអ្នករាល់គ្នានឹងសោកសង្រេង បាក់ទឹកចិត្ត។