19. យើងនឹងធ្វើឲ្យមានដើមគគីរ បេងនាងនួន ពពាលខែ ដុះក្នុងវាលរហោស្ថានហើយដើមកកោះ ស្រល់ ស្រឡៅដុះជាមួយគ្នាតាមព្រៃរបោះ។
20. ដូច្នេះ មនុស្សទាំងអស់នឹងឃើញ ហើយដឹងព្រមទាំងពិចារណា និងយល់ជាមួយគ្នាថាគឺព្រះអម្ចាស់ ជាព្រះដ៏វិសុទ្ធនៃជនជាតិអ៊ីស្រាអែលដែលបានផ្ដួចផ្ដើមធ្វើការទាំងនោះដោយព្រះហស្ដរបស់ព្រះអង្គផ្ទាល់។
21. ព្រះអម្ចាស់ ជាព្រះមហាក្សត្រនៃពូជពង្សរបស់លោកយ៉ាកុប មានព្រះបន្ទូលថា៖«ចូរបង្ហាញសំណុំរឿង និងបញ្ចេញភស្ដុតាងរបស់អ្នករាល់គ្នាមក!
22. ឲ្យព្រះទាំងនេះរៀបរាប់ហើយថ្លែងប្រាប់អំពីហេតុការណ៍ដែលនឹងត្រូវកើតមាននៅអនាគត។ចូររំឭកយើងអំពីហេតុការណ៍ដែលកើតមាននៅគ្រាដើមដំបូងនោះយើងនឹងរិះគិត។ចូររៀបរាប់អំពីព្រឹត្តិការណ៍ដែលនឹងកើតមាននៅអនាគតកាលដើម្បីឲ្យបានដឹងផង។
23. ចូរនិយាយប្រាប់យើងអំពីហេតុការណ៍ដែលនឹងកើតមាននៅពេលខាងមុខដូច្នេះ យើងនឹងទទួលស្គាល់ថាអ្នករាល់គ្នាពិតជាព្រះមែនចូរធ្វើការអ្វីមួយ ទោះបីអាក្រក់ក្ដី ល្អក្ដីដើម្បីឲ្យយើងឃើញ និងស្ងើចសរសើរ។
24. តាមពិត អ្នករាល់គ្នាឥតបានការអ្វីទាំងអស់អ្នករាល់គ្នាក៏ធ្វើអ្វីមិនកើតដែរអស់អ្នកដែលជ្រើសរើសអ្នករាល់គ្នាទុកជាព្រះសុទ្ធតែជាមនុស្សគំរក់។