1. នេះជាសេចក្ដីដែលព្រះអម្ចាស់មានព្រះបន្ទូលមកកាន់លោកយេរេមានៅគ្រារាំងស្ងួត។
2. ប្រជាជននៅស្រុកយូដានាំគ្នាកាន់ទុក្ខទីក្រុងរបស់គេធ្លាក់ដុនដាបហើយកាន់តែទ្រុឌទ្រោមទៅៗ។សម្រែកថ្ងូររបស់អ្នកក្រុងយេរូសាឡឹមលាន់ឮឡើង។
3. ពួកអ្នកធំប្រើអ្នកតូចតាចឲ្យទៅរកទឹកពេលអ្នកទាំងនោះទៅដល់ស្រះពុំឃើញមានទឹកសោះ។គេត្រឡប់មកវិញ ក្អមទទេហើយខកចិត្ត អាម៉ាស់និងអស់សង្ឃឹមទៀតផង។
4. អ្នកស្រែចម្ការខកចិត្តជាខ្លាំងហើយអស់សង្ឃឹម ដោយឃើញដីបែកក្រហែងព្រោះគ្មានភ្លៀងធ្លាក់មកលើស្រុកនោះទេ។
5. សូម្បីតែប្រើសនៅតាមព្រៃក៏បោះបង់ចោលកូនរបស់វាដែលទើបនឹងកើតមកនោះដែរព្រោះគ្មានស្មៅសម្រាប់ជាចំណីឡើយ។
6. សត្វលាព្រៃនាំគ្នាឈរនៅតាមកំពូលភ្នំហើយហិតខ្យល់ដូចឆ្កែព្រៃភ្នែកវាស្លក់អស់ ព្រោះគ្មានស្មៅស៊ី។