12. ចូរភ្ញាក់ឡើង ចូរភ្ញាក់ឡើង ដេបូរ៉ាអើយចូរភ្ញាក់ឡើង ចូរភ្ញាក់ឡើង ច្រៀងបទមួយ!បារ៉ាក់ ជាកូនលោកអប៊ីណោមអើយចូរក្រោកឡើង នាំប្រជាជនដែលជាប់ជាឈ្លើយត្រឡប់មកវិញ។
13. អស់អ្នកដែលរួចពីស្លាប់បានទៅជួបជុំនឹងមេដឹកនាំរបស់ខ្លួនប្រជាជនរបស់ព្រះអម្ចាស់ក៏នាំគ្នាចូលមកជិតខ្ញុំរួមជាមួយវីរជនឯទៀតៗ។
14. អ្នកខ្លះមកពីកុលសម្ព័ន្ធអេប្រាអ៊ីមដែលនៅជាប់នឹងស្រុកអាម៉ាឡេកកុលសម្ព័ន្ធបេនយ៉ាមីនក៏មកតាមដែរហើយរួមកម្លាំងជាមួយពលទ័ពរបស់គេផង។មានមេទ័ពមកពីអំបូរម៉ាកៀរហើយនាយទាហានមកពីកុលសម្ព័ន្ធសាប់យូឡូន
15. ពួកប្រមុខនៃកុលសម្ព័ន្ធអ៊ីសាខារបានទៅជាមួយដេបូរ៉ា។កុលសម្ព័ន្ធអ៊ីសាខារក៏ទៅជាមួយបារ៉ាក់ដែរគេរត់តាមក្រោយលោក រហូតដល់ជ្រលងភ្នំ។រីឯកុលសម្ព័ន្ធរូបេនវិញគេគិតតែពីជជែកគ្នាមិនចេះចប់។
16. ហេតុអ្វីបានជាអ្នកនៅស្ទាក់ស្ទើរហើយស្ដាប់សំឡេងពួកគង្វាលហៅហ្វូងសត្វខ្លួនដូច្នេះ?មែនហើយ នៅក្នុងពួករូបេនគេគិតតែពីជជែកគ្នាមិនចេះចប់។
17. កុលសម្ព័ន្ធនានា នៅស្រុកកាឡាដដែលស្ថិតនៅខាងកើតទន្លេយ័រដាន់មិនបានមកជួយទេកុលសម្ព័ន្ធដាន់នៅសំងំនៅលើនាវាកុលសម្ព័ន្ធអេស៊ើរក៏នៅសំងំតាមឆ្នេរសមុទ្រជិតកំពង់ផែដែរ។