6. Katresnan lan kasetyan iku njalari dosa kaapura,sarta wedi-asih marang Sang Yehuwah iku margane wong ngedohi piala.
7. Manawa ana wong kang lakune ndadekake keparenge Sang Yehuwah,iku dalasan satrune iya dirukunake karo wong mau.
8. Luwih becik pametu sathithik klawan kabeneran,tinimbang pametu akeh tanpa kaadilan.
9. Atine manungsa ngrasak-rasakake dalane,nanging Pangeran Yehuwah kang ngenerake lakune.
10. Putusan kang saka ing Gusti Allah, iku ana ing lathining ratu,manawa anggone ngadili lesane ora tumindak kliru.
11. Timbangan lan traju kang patitis iku kagungane Pangeran Yehuwah,lan sakehe bandhul-timbangan ing kanthong iku damelane.