1. Lah ana juru pangrusak kang nekani kowe,nganakna pajagan ana ing beteng ngungaka ing dalan,lambungira sabukana kang kenceng,nglumpukna sakehe kekuwatan!
2. Lah Sang Yehuwah mbangun maneh kaluhurane Rama Yakub,kaya kaluhurane Rama Israel,amarga wus karusak dening juru pangrusakepange wus padha kasempalan.
3. Tamenge para pahlawane warnane abang,para prajurite padha manganggo abang jingga,kretane abyor mengangah kaya geni suluhing dina anggone karakit;sarta jaran-jaran padha katon goreh.
4. Kretane mbalap ana ing dalan,ana ing papan tenggar susul-sumusul,katone kaya obor,playune kaya kilat.
5. Wadya-bala kang pinunjul diangkatake,nanging padha tiba kejengklok nalika lagi maju,padha mlayoni baluwartining kutha kalawan kesusu,dene piranti kanggo njebol wus kaedegake.
6. Gapura-gapuraning kali-kali wus padha kabukak,sarta kedhatone banjur geger.