1. Ára peteĩha, mes mokõiháme, hérava Iyyar, áño mokõiha Israel ñemoñare osẽ haguépe Egíptogui, Ñandejára oñe'ẽ Moiséspe Jotopa Rógape, Sinaí yvy ojeiko'ỹháme,
2. ha he'i chupe:—Ejapo Aarón ndive Israel ñemoñare jepapa, ogagua aty ha ogagua peteĩ-teĩre. Eipapa kuimba'e kuéra ha emoĩ héra kuéra kuatiáre,
3. umi oguerekóva 20 áño guive, ikatúva oho ñorãirõháme tetã rembiguái ramo.
4. Ta pene pytyvõ umi omyakãva ojohogagua aty, peteĩ-teĩ ñemoñare guápe.