Capítulos

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36

Antiguo Testamento

Nuevo Testamento

Números 1 Ñandejara Ñe’e (GDC)

Israel ñemoñare jepapa Sinaípe

1. Ára peteĩha, mes mokõiháme, hérava Iyyar, áño mokõiha Israel ñemoñare osẽ haguépe Egíptogui, Ñandejára oñe'ẽ Moiséspe Jotopa Rógape, Sinaí yvy ojeiko'ỹháme,

2. ha he'i chupe:—Ejapo Aarón ndive Israel ñemoñare jepapa, ogagua aty ha ogagua peteĩ-teĩre. Eipapa kuimba'e kuéra ha emoĩ héra kuéra kuatiáre,

3. umi oguerekóva 20 áño guive, ikatúva oho ñorãirõháme tetã rembiguái ramo.

4. Ta pene pytyvõ umi omyakãva ojohogagua aty, peteĩ-teĩ ñemoñare guápe.

5. Ãva hína umi kuimba'e ojeporavóva ko tembiaporã:Rubén ñemoñare: Elisur, Sedeúr ra'y.

6. Simeón ñemoñare: Selumiel, Surisadai ra'y.

7. Judá ñemoñare: Nahasón, Aminadab ra'y.

8. Isacar ñemoñare: Natanael, Suar ra'y.

9. Zabulón ñemoñare: Eliab, Helón ra'y.

10. José ra'y Efraín ñemoñare: Elisamá, Amihud ra'y.José ra'y Manasés ñemoñare: Gamaliel, Pedasur ra'y.

11. Benjamín ñemoñare: Abidán, Guidoní ra'y.

12. Dan ñemoñare: Ahiézer, Amisadai ra'y.

13. Aser ñemoñare: Paguiel, Ocrán ra'y.

14. Gad ñemoñare: Eliasaf, Reuel ra'y.

15. Neftalí ñemoñare: Ahirá, Enán ra'y.

16. Ko'ã kuimba'e umi ojeporavo vaekue maymáva apytégui. Ha'e kuéra umi omyakãva Israel ñemoñare guápe.

17-18. Moisés ha Aarón ombyaty ijerére umi kuimba'e ojeporavo vaekue ha hendive kuéra ombyaty mayma Israel guápe, ára peteĩha, mes mokõiháme hérava Iyyar, ojepapa haguã ojohogagua ha oñopehẽngue kuéra. Ojepapa kuimba'e kuéra 20 áño guive yvatévo,

19. Ñandejára he'i haguéicha Moiséspe. Ko Israel ñemoñare jepapa, ojejapo Sinaí yvy ojeiko'ỹháme.

20-46. Kuimba'e kuéra, 20 áño guive, ikatúva oho ñorãirõháme tetã rembiguái ramo, ojehai kuatiáre héra, máva rogaguápa ha máva ñemoñarépa. Oñepyrũ Rubén ñemoñareguágui, ha'égui Jacob ra'y ypykue. Umi ojepapáva, ãva hína:Rubén ñemoñare: 46.500Simeón ñemoñare: 59.300Gad ñemoñare: 45.650Judá ñemoñare: 74.600Isacar ñemoñare: 54.400Zabulón ñemoñare: 57.400José ra'y Efraín ñemoñare: 40.500José ra'y Manasés ñemoñare: 32.200Benjamín ñemoñare: 35.400Dan ñemoñare: 62.700Aser ñemoñare: 41.500Neftalí ñemoñare: 53.400Maymáva retakue: 603.550.

47. Levíta kuéra ndojepapái umi ambue ñemoñare ndive,

48. Ñandejára niko he'i Moiséspe:

49. “Ani remoinge Leví ñemoñare guápe, reipapa ramo kuimba'e kuéra ñorãirõ megua.

50. Levíta kuéra toñangareko Jotopa Róga ha hembiporu kuérare, tahembiapo Tekohápe ha tomopu'ã pe Jotopa Róga, Israel ñemoñare rekoha apytépe.

51. Ojeho jeývo pégui, levíta kuéra toipe'a jey pe Jotopa Róga ha togueraha tomopu'ã jey pe ojepytahápe. Oimeraẽ Ndaha'éiva Leví ñemoñare oñembojáva Jotopa Róga rehe, tomano.

52. Mayma Israel ñemoñare tomohenda aty-atýpe hekoha kuéra, ojejapoháicha ñorãirõháme ha peteĩ-teĩ aty toguereko ibandera tee.

53. Levíta kuéra katu tomoĩ hekoha Jotopa Róga jerére ha toñangareko hese, ani haguã che pochy Israel ñemoñare ndive.”

54. Israel ñemoñare ojapo opa mba'e Ñandejára he'i haguéicha Moiséspe.