2. agus chuibhrigh siad é agus tharraing siad ar shiúl é agus thug siad do Phíoláid an t‑uachtarán é.
3. Nuair a chonaic Iúdás, an té a rinne a bhrath, go raibh sé daortha, bhí aithreachas air, agus thug sé an tríocha bonn d'airgead ar ais chuig na hardsagairt,
4. á rá, “Tá peaca déanta agam, ag imirt fill ar fhuil neamhchiontach.”Ar siadsan, “Cad é sin dúinne? Fútsa fágtar é.”
5. Agus chaith sé síos uaidh na boinn airgid sa teampall, agus d'imigh sé; agus chuaigh sé agus chroch sé é féin.
6. Ach thóg na hardsagairt na boinn airgid, agus dúirt siad, “Ní ceadmhach a gcur isteach sa chiste, ós airgead fola iad.”
7. Mar sin ghlac siad comhairle, gur cheannaigh siad leo Páirc an Photaire, mar ionad adhlactha do na coimhthígh.
8. Dá bharr sin gaireadh Páirc na Fola den pháirc úd go dtí an Iá seo.
9. Ba ansin a comhlíonadh a ndúirt an fáidh Ierimía, á rá,“Agus ghlac siad an tríocha bonn d'airgead, luach an té ar chuir cuid de chlann Iosrael luach air,
10. agus thug iad ar Pháirc an Photaire, mar thaispeáin an Tiarna dom.”
11. Sheas Íosa anois os comhair an uachtaráin; agus d'fhiafraigh an t‑uachtarán de, “An tú Rí na nGiúdach?” Arsa Íosa leis, “Is tú a dúirt é.”