1. De bhrí de, go bhfuil tugtha faoi ag mórán, ag iarraidh stair a thiomsú ar ar tharla uile inár meascna,
2. de réir na faisnéise a fuaireamar air ón drong úd a bhí ó thús ina bhfinnéithe súl agus ina bhfreastalaithe boird don bhriathar,
3. chonacthas domsa freisin, a bhfuil cuimse ama caite agam á ndlúthlorgaireacht, go mb'fhiú a scríobh síos i ndiaidh a chéile do bhur soilsese, a Théophilas,
4. chun go ndéana sibh deimhin de na nithe úd a d'fhoghlaim sibh ó bhéalaithris.
5. San am úd a raibh Iorua ina rí ar Iúdaea, bhí sagart ann a raibh Secaría mar ainm air, sagart d'aicme Abíá; agus ba de chlann iníonacha Áróin a bhanchéile arbh ainm di Elisabét.
6. B'fhiréanta an lánúin iad i láthair Dé, agus dlíthe agus reachta Dé á gcoinneáil acu gan locht dá laghad orthu,
7. ach ab é nach raibh leanbh acu, ó bhí Elisabét í féin aimrid, agus an bheirt acu anonn go maith i mblianta.
8. Anois nuair a tháinig uain a aicmesean, agus nuair a bhí air dul i mbun a oibre mar shagart i láthair Dé
9. mar ba dhual do shagart, thit sé ar a chrann dul isteach le túis a dhó i dteampall Dé.
10. Agus slua uile na ndaoine ag guí amuigh san am ar ofráladh an túis.
11. Agus fuair sé taispeáint d'aingeal leis an Tiarna, agus é ina sheasamh ar thaobh na láimhe deise d'altóir na túise.
12. Agus bhí buaireamh ar Shecaría nuair a chonaic sé é, agus thit eagla air.