6. Ann sin mar is táosga a dubhairt sé ríu, Is misi é, do chúadar ar a gcúl, agus do thuiteadar air talamh.
7. Uime sin dfiáfruigh sé dhióbh a rís, Cía atá sibh íarruidh. Agus a dubhradarsan, Iósa Nasardha.
8. Do fhreaguir Iósa, Dinnis mé dhaóibh gur misi é: Ar a nadhbharsin más misi íarrthaói, léigidh dhóibh so imtheachd:
9. Ionnus go gcoimhlionfuidhe an bhríathar, a dubhairt seisean, Níor léig mé éunduine a mugha dhá dtug tú dhamh.
10. Ann sin Síomon Peadar, agá raibh cloidheamh do tharruing sé amach é, agus do bhuáil sé oglach an árdshaguirt, agus do ghearr sé a chlúas dheas de. Agus as é do bainm don óglach Malcus.
11. Uime sin a dubhairt Iósa ré Peadar, Cuir do chloídheamh an a thruáill: an né nach íobha misi, an cupán tug Mathair dhamh?
12. Ann sin rug an bhuidhean agus an caiptín agus oifigidh na Níuduidheadh ar Iósa, agus do cheangladar é,
13. Agus rugadar a lathair Annas ar tús é; (óir do bé athair mhná Chaipháis é, noch dob árdsagart an bhliadhain sin.)
14. Agus do bé Caiphas an té, thug comhairle do na Iúdaidhibh, gur tharbhach éunduine amháin dfagháil bháis ar son an phobail.
15. Agus do lean Siomón Peadar, agus deisciobal eile Iósa: agus dob aithnidh don árdshagurt an deisciobal sin, ar a nadhbharsin do chúaidh sé a steach lé Híosa go cúirt an árdshaguirt.
16. Achd do sheas Peadar ag an dorus leith a muigh. Ar a nadhbharsin do chuáidh an deisciobail eile sin, noch dobh aithnidh don árdshagart, agus do labhair sé ris an mbandoirrseóir, agus tug se Peadar a steach.
17. Ann sin a dubhairt an bhandoirrseóir ré Peadar, Nach do dheisciobluibh an fhirsi thusa leis? A dubhairt seision, Ní headh.
18. Agus do bhádar na searbhfhoghantuidhe agus na hoifigidh na seasamh ag an dteinigh, óir do bhí an ainmsír fúar, agus do bhádar dá ngoradh féin: Agus do sheas Peadar mar an gcéudna, da ghoradh na measg.
19. Ann sin do chuir an tárdsagurt ceisd ar Iósa a dtáobh a dheisciobail, agus a theaguisg.
20. Do fhreaguir Iósa é, Do labhair misi ós áird ris a tsáoghal; do theagaisg mé do ghnátg ann sa tsínagóig, agus ann sa teampoll, mar a gcruinnighid na Iúdaighe uile a gceann a chéile; agus níor labhair mé éinní a bhfolach.
21. Créud fa bhfiafruigheann tú dhíomsa? fiafruigh don mhuinntir do chúaluidh mé, créd a dubhairt mé ríu: féuch, atá a fhíos aca so créd a dubhairt mé.
22. Agus an tan dubhairt sé na neithesi, dó bhuáil óglach do na máoruibh do bhí na sheasamh a láthair bas ar Iósa, ag rádh, An mar sin fhreagrus tú an tárdsagart?
23. Do fhreaguir Iósa é, más olc a dubhairt mé, déanna fínne a dtáoibh an uilc: achd más maith, créd fá mbuáileann tú mé?
24. Ar a nadhbharsin do chuir Annas ceanguilte chum Caipháis a nárdsagairt é.