25. Agus do rinneadar ithiomrádh iona bpáillíunuibh, níor éisteadar re guth an TIGHEARNA.
26. Agus do thóig seision súas a lámh na naghaidh, da sgrios annsa díothramh:
27. Do sgrios a sleachda mar an ccéadna a measg na gcineadhach, agus da spréaghadh annsa dúthaigh.
28. Agus do cheangladar íad féin ré Baal-peor mar an gceadna, agus dithiodar íodhbartha na marbh.
29. Agus do bhrostuigheadar chum feirge é le na ngníomhuibh: agus do bhris an phláigh a steach orra.
30. Agus déirghidh Phineas súas, agus do chuir breitheamhnus a ccrích: agus do toirmiosgadh an phláigh.
31. Agus do measadh sin dó mar fhiréuntachd ó ghinealach go ginealach go síorruighe.
32. Agus do bhrostuigheadar é mar an gceudna ag uisgeadhuibh Meribah, agus do bhí sin go holc ag Maóise air a sonsan:
33. Do bhrígh gur bhrostuigheadar a spiorad, agus gur labhair sé go neimhchéillighe lé na bhéul.
34. Níor mhilliodar na cineadhacha, da ttáobh a ttug an TIGHEARNA aithne dhóibh:
35. Acht do choimhmeasgadar íad féin leis na cineadhachaibh, agus do rinneadar a noibreacha dfoghluim.
36. Agus do adhradar dá niodhaluibh: agus do bhádar dóibhsion mar phaintéar.
37. Agus do íodhbradar a mic agus a ninghiona do dhíabhluibh,
38. Agus do dhóirteadar fuil neimhchiontach, fuil a mac agus a ninghean, noch do íodhbradar do dhíabhluibh Chánáan: agus do bhí an talamh ar na thruailliughadh le fuil.
39. Agus do bhádar ar na salchadh le na noibreachaibh féin, agus do chuadar re méirdreachus le na naigiontaibh féin.