6. Foilsíonn na flaithis do mhíorúiltí, a Thiarna;tá d'fhírinne á moladh ag comhthionól na naomh.
7. Óir cé is cosúil leis an Tiarna sna néalta,cé atá inchurtha le Dia ar shlua na bhflaitheas?
8. Is uafásach é Dia i gcomhchomhairle na naomh;is éachtach é agus is uamhnach thar a bhfuil ina thimpeall.
9. A Thiarna Dia na slua, cé is comhionann leat?Is cumhachtach tú, a Thiarna, agus do dhílseacht de gach leith díot.
10. Is agatsa atá ceannas ar fhraoch na farraige;is tú a chuireann cosc le tulca na dtonnta.
11. Bhuail tú cos ar Ráhab go ndearna tú bloghanna de;agus scaip tú d'eascairde le do chuisle chumhachtach.