14. Is cosúil dóchas an éagráifighle lochán a ardaíonn an ghaoth léi;agus le cáitheadh mín na farraige,a thiomáineann an stoirm roimpi,agus le deatach a scaiptear le hanfaagus leis an mearchuimhne a choimeádtar ar aoi aon lae.
15. Ach maireann na fíréin go deo;agus tá a luach saothair i lámha an Tiarna,agus déanann an Té is Airde cúram díobh.
16. Dá bhrí sin, gheobhaidh siad coróin thaibhseachagus ceannbheart niamhrach ó láimh an Tiarna;óir cumhdóidh sé lena dheasláimh iadagus cosnóidh sé iad lena ghéag láidir.
17. Beidh a ghrá éadmhar mar airm agus éide aigeagus armálfaidh sé gach ar chruthaigh séchun díoltas a imirt ar a naimhde.
18. Cuirfidh sé an fhíréantacht air féin mar lúireachagus an breithiúnas neamhchlaon mar chlogad;
19. glacfaidh sé an naofacht dhochloíte chuige mar sciath.
20. Cuirfidh sé faobhar ar an bhfearg fhíochmar,chun go mbeidh sí aige mar chlaíomh.Troidfidh an chruinne ina theannta in aghaidh na ngealt.
21. Bladhmfaidh splancacha tintrí amach go ceart caol díreachagus léimfidh siad i dtreo na sprice ó na scamaillamhail is gur caitheadh iad ó bhogha lánlúbtha.
22. Teilgfear clocha sneachta leo go fraochmhar le crann tabhaill;beidh uisce na farraige ag coipeadh ina n‑aghaidh,agus slogfaidh na haibhneacha iad gan taise.
23. Séidfidh anáil an Uilechumhachtaigh ina n‑éadanagus scuabfaidh sí chun siúil iad mar a scuabfadh stoirm cáith.Déanfaidh an t‑aindlí fásach den domhan go léiragus leagfaidh an urchóid cathaoireacha prionsaí ar lár.