1. Bazen Efraimgo mendialdean Mika izeneko gizon bat.
2. Behinola esan zion amari:—Oroitzen al zara nola ostu zizkizuten zilarrezko mila eta ehun txanpon? Madarikazioa bota zenuen orduan nire aurrean. Begira, neuk ditut txanpon haiek, neuk ostu bainizkizun. Tori dirua!Amak esan zion:—Bedeinka zaitzala Jaunak, ene seme!
3. Orduan, amari eman zizkion zilarrezko mila eta ehun txanponak; baina amak esan zion:—Jaunari eskainia nion zilar hau zure alde, ene seme, zurezko idoloa metalez jantzia egiteko.
4. Semeak itzuli zion dirutik zilarrezko berrehun txanpon hartu eta zilargin bati eman zizkion amak eta zurezko idoloa metalez jantzia egin zuen zilarginak, eta Mikaren etxean ezarri zuten.