1. Davidi, Kixen seme Saulengandik urruti ibili behar izan zuen aldi haietan, zenbait gizon bildu zitzaion Tziklagen. Haren gudari adoretsuen artekoak ziren eta guduan lagun zituen.
2. Arkulariak ziren, geziak nahiz harriak jaurtitzen trebeak, nola eskuinez hala ezkerrez.Hona hemen, Saul bezala, Benjaminen leinuko ziren gudariak:
3. Ahiezer, buruzagia, eta honen anaia Joax, Gibako Xemaaren semeak; Jeziel eta Pelet, Azmabeten semeak; Beraka eta Anatoteko Jehu;
4. Gabaongo Ixmaias, hogeita hamar gudari haietakoa eta beraien buruzagia;
5. Jeremias, Jahaziel, Johanan eta Gederako Jozabad;