6. Jaitsi zen, bada, berehala eta pozik hartu zuen etxean.
7. Hori ikusirik, denak marmarka hasi ziren: «Bekatari baten etxera joan duk ostatuz».
8. Zakeok, berriz, zutiturik, Jaunari esan zion:—Jauna, neure ondasunen erdiak behartsuei ematen dizkiet eta, inori ezer ostu badiot, lau halako bihurtuko diot.
9. Jesusek esan zion:—Gaur iritsi da salbamena etxe honetara, gizon hau ere Abrahamen ondorengoa baita.
10. Izan ere, Gizonaren Semea galdua zegoena bilatzera eta salbatzera etorri da.
11. Jendea entzuten ari zitzaiola, Jesusek beste parabola bat kontatu zien, Jerusalemdik hurbil baitzen eta jendeak Jainkoaren erregetza une batetik bestera azalduko zela uste baitzuen:
12. «Handiki bat urrutiko herrialde batera joan zen, errege-izendapena hartzera, gero itzultzekotan.
13. Bere zerbitzarietako hamarri dei egin eta hamar ontzako urre banatu zizkien, esanez: “Jarri irabazian, ni itzuli bitartean”.