44. erraustu egingo zaituztete zeu eta zeure bizilagunak, eta ez dizute harririk harri gainean utziko, Jainkoak eskaini dizun salbamen-aukera aintzat hartu ez duzulako».
45. Jesus, tenpluan sarturik, bertan salerosketan ari zirenak kanpora botatzen hasi zen,
46. esanez: «Liburu Santuak dio: Nire etxea otoitz-etxe izango da; zuek, berriz, lapur-zulo egina duzue».
47. Egunero tenpluan irakasten jardun ohi zuen. Apaizburuak, lege-maisuak eta herriko handikiak Jesus hil nahian zebiltzan;
48. baina ez zuten asmatzen zer egin, herri guztia aho zabalik baitzegoen hari entzuten.