7. νόει ἃ λέγω· δῴη γάρ σοι ὁ Κύριος σύνεσιν ἐν πᾶσι.
8. Μνημόνευε ᾿Ιησοῦν Χριστὸν ἐγηγερμένον ἐκ νεκρῶν, ἐκ σπέρματος Δαυΐδ, κατὰ τὸ εὐαγγέλιόν μου,
9. ἐν ᾧ κακοπαθῶ μέχρι δεσμῶν ὡς κακοῦργος· ἀλλ᾽ ὁ λόγος τοῦ Θεοῦ οὐ δέδεται.
10. διὰ τοῦτο πάντα ὑπομένω διὰ τοὺς ἐκλεκτούς, ἵνα καὶ αὐτοὶ σωτηρίας τύχωσι τῆς ἐν Χριστῷ ᾿Ιησοῦ μετὰ δόξης αἰωνίου.
11. Πιστὸς ὁ λόγος·εἰ γὰρ συναπεθάνομεν, καὶ συζήσομεν·
12. εἰ ὑπομένομεν, καὶ συμβασιλεύσομεν·εἰ ἀρνούμεθα, κἀκεῖνος ἀρνήσεται ἡμᾶς·
13. εἰ ἀπιστοῦμεν, ἐκεῖνος πιστὸς μένει·ἀρνήσασθαι ἑαυτὸν οὐ δύναται.