5. D Isryheeler braachend von Ramshaus auf und gmachend z Suckott Stönddn.
6. Von Suckott zognd s auf Oedham an n Rand von dyr Wüestn.
7. Weiter gieng s von Oedham auf Pihyhirott gögnüber Bägl-Zefon zue und aft non hinst vor Migtal.
8. Aus dyr Naehend von Pihyhirott trochend s mittn durch s Mör eyn d Wüestn einhin. In dyr Oedhamer Wüestn warnd s drei Täg unterwögs und schluegnd dann iener Lager z Märy auf.
9. Von Märy braachend s auf und kaamend auf Elim. Dort gaab s zwölf Quellnen und sibzg Palmenn; dösswögn glagernd s daadl.
10. Von Elim zognd s weiter und gazelttnd an n Roormör.
11. Von n Rootn Mör zognd s loos und schluegnd s Lager in dyr Wüestn Sinn auf.
12. Von derer Wüestn aus gieng s weiter auf Dofky.
13. Aus Dofky kaamend s aft auf Älusch.