1. Daa kimmt ietz ayn Übersicht über d Lögstötn von de Isryheeler bei ienern Auszug aus Güptn unter n Mosenn und Ärenn.
2. Dyr Mosen schrib de ainzlnen Lagerplätz und Ströckenn auf Befelh von n Herrn auf. Yso zognd s also yn dyr Reih naach:
3. Aus Ramshaus braachend s eyn n fuchzöntn Tag von n eerstn Maanet auf. Eyn n Tag naach n Oosterföst zognd d Isryheeler vor de Augn von alle Güptn froo in n Herrn aus,
4. dyrweil de Güptn ienerne Eerstgebornen glögnd, wo dyr Trechtein bei ien dyrschlagn hiet. Yso grechnet dyr Herr mit ienerne Götter ab.
5. D Isryheeler braachend von Ramshaus auf und gmachend z Suckott Stönddn.
6. Von Suckott zognd s auf Oedham an n Rand von dyr Wüestn.
7. Weiter gieng s von Oedham auf Pihyhirott gögnüber Bägl-Zefon zue und aft non hinst vor Migtal.