18. Canys ni feiddiaf fi ddywedyd dim o'r pethau ni weithredodd Crist trwof fi, i wneuthur y Cenhedloedd yn ufudd ar air a gweithred,
19. Trwy nerth arwyddion a rhyfeddodau, gan nerth Ysbryd Duw; hyd pan o Jerwsalem, ac o amgylch hyd Ilyricum, y llenwais efengyl Crist.
20. Ac felly gan ymorchestu i bregethu'r efengyl, nid lle yr enwid Crist: fel nad adeiladwn ar sail un arall:
21. Eithr megis y mae yn ysgrifenedig, I'r rhai ni fynegwyd amdano, hwynt‐hwy a'i gwelant ef; a'r rhai ni chlywsant, a ddeallant.