1. A bu, wedi i'r Iesu orffen y geiriau hyn oll, efe a ddywedodd wrth ei ddisgyblion,
2. Chwi a wyddoch mai gwedi deuddydd y mae'r pasg; a Mab y dyn a draddodir i'w groeshoelio.
3. Yna yr ymgasglodd yr archoffeiriaid, a'r ysgrifenyddion, a henuriaid y bobl, i lys yr archoffeiriad, yr hwn a elwid Caiaffas:
4. A hwy a gydymgyngorasant fel y dalient yr Iesu trwy ddichell, ac y lladdent ef.
5. Eithr hwy a ddywedasant, Nid ar yr ŵyl, rhag bod cynnwrf ymhlith y bobl.