1. Am hynny os cydgyfodasoch gyda Christ, ceisiwch y pethau sydd uchod, lle mae Crist yn eistedd ar ddeheulaw Duw.
2. Rhoddwch eich serch ar bethau sydd uchod, nid ar bethau sydd ar y ddaear.
3. Canys meirw ydych, a'ch bywyd a guddiwyd gyda Christ yn Nuw.
4. Pan ymddangoso Crist ein bywyd ni, yna hefyd yr ymddangoswch chwithau gydag ef mewn gogoniant.
5. Marwhewch gan hynny eich aelodau, y rhai sydd ar y ddaear; godineb, aflendid, gwŷn, drygchwant, a chybydd‐dod, yr hon sydd eilun‐addoliaeth:
6. O achos yr hyn bethau y mae digofaint Duw yn dyfod ar blant yr anufudd‐dod: