18. Cofia hyn, i'r gelyn gablu, O Arglwydd, ac i'r bobl ynfyd ddifenwi dy enw.
19. Na ddyro enaid dy durtur i gynulleidfa y gelynion: nac anghofia gynulleidfa dy drueiniaid byth.
20. Edrych ar y cyfamod: canys llawn yw tywyll leoedd y ddaear o drigfannau trawster.
21. Na ddychweled y tlawd yn waradwyddus: molianned y truan a'r anghenus dy enw.
22. Cyfod, O Dduw, dadlau dy ddadl: cofia dy waradwydd gan yr ynfyd beunydd.
23. Nac anghofia lais dy elynion: dadwrdd y rhai a godant i'th erbyn sydd yn dringo yn wastadol.