Hen Destament

Testament Newydd

Y Salmau 21:7-13 Beibl William Morgan 1588, 1620 (BWM)

7. Oherwydd bod y Brenin yn ymddiried yn yr Arglwydd, a thrwy drugaredd y Goruchaf nid ysgogir ef.

8. Dy law a gaiff afael ar dy holl elynion: dy ddeheulaw a gaiff afael ar dy gaseion.

9. Ti a'u gwnei hwynt fel ffwrn danllyd yn amser dy lid: yr Arglwydd yn ei ddicllonedd a'u llwnc hwynt, a'r tân a'u hysa hwynt.

10. Eu ffrwyth hwynt a ddinistri di oddi ar y ddaear, a'u had o blith meibion dynion.

11. Canys bwriadasant ddrwg i'th erbyn: meddyliasant amcan, heb allu ohonynt ei gwblhau.

12. Am hynny y gwnei iddynt droi eu cefnau: ar dy linynnau y paratôi di saethau yn erbyn eu hwynebau.

13. Ymddyrcha, Arglwydd, yn dy nerth; canwn, a chanmolwn dy gadernid.

Darllenwch bennod gyflawn Y Salmau 21