35. Y rhai a fwytasant yr holl laswellt yn eu tir hwynt, ac a ddifasant ffrwyth eu daear hwynt.
36. Trawodd hefyd bob cyntaf‐anedig yn eu tir hwynt, blaenffrwyth eu holl nerth hwynt.
37. Ac a'u dug hwynt allan ag arian ac aur; ac heb un llesg yn eu llwythau.
38. Llawenychodd yr Aifft pan aethant allan: canys syrthiasai eu harswyd arnynt hwy.
39. Efe a daenodd gwmwl yn do, a thân i oleuo liw nos.
40. Gofynasant, ac efe a ddug soflieir; ac a'u diwallodd â bara nefol.