8. Gosod dy law arno ef; cofia y rhyfel; na wna mwy.
9. Wele, ofer ydyw ei obaith ef: oni chwymp un gan ei olwg ef?
10. Nid oes neb mor hyderus â'i godi ef: a phwy a saif ger fy mron i?
11. Pwy a roddodd i mi yn gyntaf, a mi a dalaf? beth bynnag sydd dan yr holl nefoedd, eiddof fi yw.
12. Ni chelaf ei aelodau ef, na'i gryfder, na gweddeidd‐dra ei ystum ef.
13. Pwy a ddatguddia wyneb ei wisg ef? pwy a ddaw ato ef â'i ffrwyn ddauddyblyg?
14. Pwy a egyr ddorau ei wyneb ef? ofnadwy yw amgylchoedd ei ddannedd ef.
15. Ei falchder yw ei emau, wedi eu cau ynghyd megis â sêl gaeth.
16. Y mae y naill mor agos at y llall, fel na ddaw gwynt rhyngddynt.