1. A wyddost ti yr amser i eifr gwylltion y creigiau lydnu? a fedri di wylied yr amser y bwrw yr ewigod loi?
2. A gyfrifi di y misoedd a gyflawnant hwy? ac a wyddost ti yr amser y llydnant?
3. Ymgrymant, bwriant eu llydnod, ac ymadawant â'u gofid.
4. Eu llydnod a gryfha, cynyddant yn y maes: ânt allan, ac ni ddychwelant atynt hwy.
5. Pwy a ollyngodd yr asyn gwyllt yn rhydd? neu pwy a ddatododd rwymau yr asyn gwyllt?
6. Yr hwn y gosodais yr anialwch yn dŷ iddo, a'r diffeithwch yn drigfa iddo.