10. Pan osodais fy ngorchymyn arno, a phan osodais drosolion a dorau,
11. Gan ddywedyd, Hyd yma y deui, ac nid ymhellach; ac yma yr atelir ymchwydd dy donnau di.
12. A orchmynnaist ti y bore er dy ddyddiau? a ddangosaist ti i'r wawrddydd ei lle,
13. I ymaflyd yn eithafoedd y ddaear, fel yr ysgydwer yr annuwiol allan ohoni hi?
14. Canys hi a ymnewidia fel clai y sêl; a hwy a safant fel dillad.
15. Ac atelir eu goleuni oddi wrth yr annuwiol: dryllir y braich dyrchafedig.
16. A ddaethost ti i eigion y môr? ac a rodiaist ti yng nghilfachau y dyfnder?
17. A agorwyd pyrth marwolaeth i ti? neu a welaist ti byrth cysgod angau?
18. A ystyriaist ti led y ddaear? mynega, os adwaenost ti hi i gyd.