14. Fy nghyfnesaf a ballasant, a'r rhai oedd o'm cydnabod a'm hanghofiasant.
15. Y rhai oedd yn trigo yn fy nhÅ·, a'm morynion, sydd yn fy nghyfrif yn ddieithr: alltud ydwyf yn eu golwg.
16. Gelwais ar fy ngwasanaethwr, ac nid atebodd; ymbiliais ag ef â'm genau.
17. Dieithr oedd fy anadl i'm gwraig, er ymbil ohonof â hi er mwyn fy mhlant o'm corff.
18. Plant hefyd a'm diystyrent: cyfodais, a dywedasant i'm herbyn.
19. Fy holl gyfrinachwyr sydd yn fy ffieiddio: a'r rhai a gerais a droesant yn fy erbyn.
20. Fy esgyrn a lynodd wrth fy nghroen, ac wrth fy nghnawd; ac â chroen fy nannedd y dihengais.
21. Trugarhewch wrthyf, trugarhewch wrthyf, fy nghyfeillion; canys llaw Duw a gyffyrddodd â mi.
22. Paham yr ydych chwi yn fy erlid i fel Duw, heb gael digon ar fy nghnawd?
23. O nad ysgrifennid fy ngeiriau yn awr! O nad argreffid hwynt mewn llyfr!
24. O nad ysgrifennid hwynt yn y graig dros byth â phin o haearn ac â phlwm!
25. Canys myfi a wn fod fy Mhrynwr yn fyw, ac y saif yn y diwedd ar y ddaear.