4. Efe a'm dysgai, ac a ddywedai wrthyf, Dalied dy galon fy ngeiriau: cadw fy ngorchmynion, a bydd fyw.
5. Cais ddoethineb, cais ddeall: na ad dros gof, ac na ŵyra oddi wrth eiriau fy ngenau.
6. Nac ymâd â hi, a hi a'th geidw: câr hi, a hi a'th wared di.
7. Pennaf peth yw doethineb: cais ddoethineb; ac â'th holl gyfoeth cais ddeall.
8. Dyrchafa di hi, a hithau a'th ddyrchafa di: hi a'th ddwg di i anrhydedd, os cofleidi hi.
9. Hi a rydd ychwaneg o ras i'th ben di: ie, hi a rydd i ti goron gogoniant.
10. Gwrando, fy mab, a derbyn fy ngeiriau; a blynyddoedd dy fywyd a amlheir.