11. Canys eu gwaredwr hwynt sydd nerthol; ac a amddiffyn eu cweryl hwynt yn dy erbyn di.
12. Gosod dy galon ar addysg, a'th glustiau ar eiriau gwybodaeth.
13. Na thyn gerydd oddi wrth dy blentyn: os curi ef â gwialen, ni bydd efe farw.
14. Cur ef â gwialen, a thi a achubi ei enaid rhag uffern.
15. Fy mab, os dy galon di fydd doeth, fy nghalon innau a lawenycha;
16. Ie, fy arennau a grychneidiant, pan draetho dy wefusau di gyfiawnder.
17. Na wynfyded dy galon wrth bechaduriaid: ond aros yn ofn yr Arglwydd yn hyd y dydd.