12. Casineb a gyfyd gynhennau: ond cariad a guddia bob camwedd.
13. Yng ngwefusau y synhwyrol y ceir doethineb: ond gwialen a weddai i gefn yr angall.
14. Y doethion a ystoriant wybodaeth: ond dinistr sydd gyfagos i enau y ffôl.
15. Cyfoeth y cyfoethog yw dinas ei gadernid ef: ond dinistr y tlodion yw eu tlodi.
16. Gwaith y cyfiawn a dynn at fywyd: ond ffrwyth y drygionus tuag at bechod.
17. Ar y ffordd i fywyd y mae y neb a gadwo addysg: ond y neb a wrthodo gerydd, sydd yn cyfeiliorni.
18. A guddio gas â gwefusau celwyddog, a'r neb a ddywed enllib, sydd ffôl.