Hen Destament

Testament Newydd

1 Cronicl 16:32-42 Beibl William Morgan 1588, 1620 (BWM)

32. Rhued y môr a'i gyflawnder; llawenhaed y maes, a'r hyn oll y sydd ynddo.

33. Yna prennau y coed a ganant o flaen yr Arglwydd, am ei fod yn dyfod i farnu y ddaear.

34. Clodforwch yr Arglwydd; canys da yw: oherwydd ei drugaredd sydd yn dragywydd.

35. A dywedwch, Achub ni, O Dduw ein hiachawdwriaeth, casgl ni hefyd, a gwared ni oddi wrth y cenhedloedd, i foliannu dy enw sanctaidd di, ac i ymogoneddu yn dy foliant.

36. Bendigedig fyddo Arglwydd Dduw Israel, o dragwyddoldeb hyd dragwyddoldeb. A dywedodd yr holl bobl, Amen, gan foliannu yr Arglwydd.

37. Ac efe a adawodd yno, o flaen arch cyfamod yr Arglwydd, Asaff a'i frodyr, i weini gerbron yr arch yn wastadol, gwaith dydd yn ei ddydd:

38. Ac Obed‐edom a'u brodyr, wyth a thrigain; Obed‐edom hefyd mab Jeduthun, a Hosa, i fod yn borthorion:

39. Sadoc yr offeiriad, a'i frodyr yr offeiriaid, o flaen tabernacl yr Arglwydd, yn yr uchelfa oedd yn Gibeon,

40. I offrymu poethoffrymau i'r Arglwydd ar allor y poethoffrwm yn wastadol fore a hwyr, yn ôl yr hyn oll sydd ysgrifenedig yng nghyfraith yr Arglwydd, yr hon a orchmynnodd efe i Israel:

41. A chyda hwynt Heman, a Jedwthwn, a'r etholedigion eraill, y rhai a hysbysasid wrth eu henwau, i foliannu yr Arglwydd, am fod ei drugaredd ef yn dragywydd:

42. A chyda hwynt Heman, a Jedwthwn, yn lleisio ag utgyrn, ac â symbalau i'r cerddorion, ac offer cerdd Duw: a meibion Jedwthwn oedd wrth y porth.

Darllenwch bennod gyflawn 1 Cronicl 16