11. Ceiswch yr Arglwydd a'i nerth ef, ceisiwch ei wyneb ef yn wastadol.
12. Cofiwch ei wyrthiau y rhai a wnaeth efe, ei ryfeddodau, a barnedigaethau ei enau;
13. Chwi had Israel ei was ef, chwi feibion Jacob ei etholedigion ef.
14. Efe yw yr Arglwydd ein Duw ni; ei farnedigaethau ef sydd trwy yr holl ddaear.
15. Cofiwch yn dragywydd ei gyfamod; y gair a orchmynnodd efe i fil o genedlaethau;
16. Yr hwn a gyfamododd efe ag Abraham, a'i lw i Isaac:
17. Ac a osododd efe yn ddeddf i Jacob, ac yn gyfamod tragwyddol i Israel,
18. Gan ddywedyd, I ti y rhoddaf dir Canaan, rhandir eich etifeddiaeth.