22. “Bobl Israel, clywch hyn: sôn yr wyf am Iesu o Nasareth, gŵr y mae ei benodi gan Dduw wedi ei amlygu i chwi trwy wyrthiau a rhyfeddodau ac arwyddion a gyflawnodd Duw trwyddo ef yn eich mysg chwi, fel y gwyddoch chwi eich hunain.
23. Yr oedd hwn wedi ei draddodi trwy fwriad penodedig a rhagwybodaeth Duw, ac fe groeshoeliasoch chwi ef drwy law estroniaid, a'i ladd.
24. Ond cyfododd Duw ef, gan ei ryddhau o wewyr angau, oherwydd nid oedd dichon i angau ei ddal yn ei afael.
25. Oherwydd y mae Dafydd yn dweud amdano:“ ‘Yr oeddwn yn gweld yr Arglwydd o'm blaen yn wastad,canys ar fy neheulaw y mae, fel na'm hysgydwer.
26. Am hynny llawenychodd fy nghalon a gorfoleddodd fy nhafod,ie, a bydd fy nghnawd hefyd yn preswylio mewn gobaith;