56. Ar ôl hynny, cei glywed cymaint ag y mae dy glustiau yn abl i'w glywed.
57. Oherwydd yr wyt ti yn uwch dy wynfyd na'r lliaws, a chennyt enw gyda'r Goruchaf nad oes gan fwy nag ychydig.
58. Ond aros yma hyd nos yfory,
59. ac mewn breuddwydion fe ddengys y Goruchaf iti weledigaethau o'r pethau y bydd ef yn eu gwneud i'r rhai fydd yn trigo ar y ddaear yn y dyddiau diwethaf.”
60. Felly, yn unol â'r gorchymyn a gefais ganddo, cysgais y nos honno a nos drannoeth.