Hen Destament

Testament Newydd

Jeremeia 10:5-12 Beibl Cymraeg Newydd Diwygiedig 2004 (BCN)

5. Fel bwgan brain mewn gardd cucumerau, ni all eilunod lefaru;rhaid eu cludo am na allant gerdded.Peidiwch â'u hofni; ni allant wneud niwed,na gwneud da chwaith.”

6. Nid oes neb fel tydi, ARGLWYDD; mawr wyt,mawr yw dy enw mewn nerth.

7. Pwy ni'th ofna, Frenin y cenhedloedd?Hyn sy'n gweddu i ti.Canys ymhlith holl ddoethion y cenhedloedd,ac ymysg eu holl deyrnasoedd, nid oes neb fel tydi.

8. Y maent bob un yn ddwl ac ynfyd,wedi eu dysgu gan eilunod o bren!

9. Dygir arian gyr o Tarsis, ac aur o Uffas,gwaith y saer a dwylo'r eurych;a'u gwisg o ddeunydd fioled a phorffor—gwaith crefftwyr ydyw i gyd.

10. Ond yr ARGLWYDD yw'r gwir Dduw;ef yw'r Duw byw a'r brenin tragwyddol;y mae'r ddaear yn crynu rhag ei lid,ac ni all y cenhedloedd ddioddef ei ddicter.

11. Fel hyn y dywedwch wrthynt: “Y duwiau na wnaethant y nefoedd a'r ddaear, fe gânt eu difa o'r ddaear ac oddi tan y nefoedd.”

12. Gwnaeth ef y ddaear trwy ei nerth,sicrhaodd y byd trwy ei ddoethineb,estynnodd y nefoedd trwy ei ddeall.

Darllenwch bennod gyflawn Jeremeia 10