1. Nasod nga walay ulaw, pagtigom kamo
2. sa dili pa moabot ang gitakda nga panahon nga abugon kamo nga daw tahop nga gipalid. Paghinulsol kamo sa dili pa ipahamtang sa Ginoo ang labihan niya nga kasuko.
3. Kamong mapainubsanon nga mga lumulupyo, nga nagatuman sa mga sugo sa Ginoo, dangop kamo kaniya. Buhata ang matarong ug padayon sa inyong pagkamapainubsanon kay basin pa ug panalipdan kamo sa Ginoo sa adlaw nga ipahamtang niya ang iyang kasuko.
4. Walay mahibilin sa mga lumulupyo sa Gaza ug sa Ashkelon. Ang mga lumulupyo sa Ashdod abugon sulod lang sa tunga sa adlaw, ug ang mga lumulupyo sa Ekron abugon usab gikan sa ilang siyudad.
5. Makalulooy kamong mga Filistinhon nga nagapuyo duol sa dagat. Mao kini ang giingon sa Ginoo batok kaninyo: “Kamo nga mga Filistinhon sa Canaan, ako kamong laglagon, ug walay usa kaninyo nga mahibilin.”
6. Busa ang inyong yuta sa daplin sa baybay mahimong sabsabanan ug toril sa mga karnero.