23. Nasayod ako nga dad-on mo ako sa dapit sa mga patay, sa dapit nga gitagana mo nga adtoan sa tanang mga tawo.
24. “Wala gayod ako mopasakit sa tawong nag-antos ug nagpakilooy tungod sa kalisod.
25. Naghilak gani ako sa mga tawong naglisod. Nalooy kaayo ako sa mga kabos.
26. Apan sa dihang naglaom ako ug kaayohan, daotan ang midangat kanako. Nagpaabot akog kahayag, apan kangitngit ang miabot.
27. Walay undang ang kasakit nga akong gibati. Adlaw-adlaw akong nag-antos.
28. Nangitom ang akong panit dili tungod sa kainit sa adlaw kondili tungod sa balatian. Nagatindog ako atubangan sa katilingban ug nagapangayog tabang.